Nagdangat na tanan sa kapin 2,408 ka mga Overseas Filipino Workers (OFWs) kag mga Locally Stranded Individuals (LSI) ang nakapauli sa Negros Occidental humalin sang Marso 30 tubtub Hunyo 10.
Base sa listahan nga ginpagwa sang Provincial Government sang Negros Occidental paagi kay Gov. Bong Lacson, ini ang nagalakip sang kapin 949 ka mga OFWs kag 1,459 ka mga LSIs.
Madumduman nga ang gobierno probinsya nagpatigyon sang tatlo ka adlaw nga sweeper flights upod ang Philippine Airlines para sa mga na-stranded nga Negrense sa Metro Manila humalin June 9 tubtub 11.
Suno kay Gov. Lacson nga magahingyo ang probinsya sa mga natungdan nga ahensya nga pahanugutan ang operasyon sang airport matapos sang June 15 para sa mga sweeper flights.
[image: image.png]
