Gilayon nga nagmando ang City Health Office (CHO) nga ipa-swab test ang mga repatriated OFWs nga naka-quarantine karun sa isa ka pension house sa 13th Lacson St. ciudad sang Bacolod matapos nga nagreklamo sa DYHB.
Sa Straight to The Point (STP) program sang DYHB kaina sang aga, nagreklamo si Joel Brigoli kag ang iya mga kaupdanan bangud Mayo 30 pa sila nag-abot sa Bacolod apang tubtob subong wala pa sila na-swab test.
Magluwas diri, ginareklamo man nila ang tuman ka istrikto nga pagbantay sa ila sang frontliners nga assigned sa ila, sa diin indi sila pagpaguwaon sa kwarto kag ang sulit-sulit nga pagkaon nga ginaserbe sa ila sa nga silog kag prito nga bangrus.
Matapos ang interview kay Brigoli kag sa iya mga upod, nagpadala ini sang mesahe sa DYHB nga ginpahibalo na sila sang nagabantay sa ila nga frontliner nga ipaidalom na sila subong sa swab test.
Si Brigoli ang isa ka OFW nga gikan sa Riyadh, Saudi Arabia.
[image: image.png]
