Gipasalig sa Joint Committee sa House of Representatives nga manubag ang mga official sa gobyerno ngano nga nakasulod dinhi sa Misamis Oriental ang toni-toniladang basura sa South Korea ug gitambak sa sitio Bugwak, Barangay Santa Cruz, sa Tagoloan.
Mga alas 10 kaganihang buntag, gipahigayon sa Marco Polo Hotel ang ikaduhang Public Hearing sa Joint Committee on Good governance and Accountability, Committee on Ecology ug Committee of local government.
Kini aron ilang hukasan sa Maskara ang mga i-responsabling mga official sa gobyerno nga naghatag panugot sa Korean Company nga Verde Soko Philippines nga nagdalag basura sa Misamis Oriental gikan sa South Korea.
Una nang gibutyag ni Misamis Oriental 2nd district Congressman Juliette Uy nga lakip sa manubag sa ilang Joint Committee Hearing ang mga official sa Custom, Environmental Management Bureau, Phevidic ug mga local officials.
Naglagot si Uy sa maong mga basura kay alang kaniya gibinuangan lang sa mga koryano kitang mga Pilipino.
