General Santos City— Gipaklaro ni Police Chief Superintendent Marcelo Morales, Regional Director sa Police Regional Office 12 nga unsa mang kalapasan ang mahimo sa tokhangers, ang mga Chief Of Police, City Director ug Provincial Director maoy manubag isip parte sa ilahang command responsibility.
Apan kumpyansa si General Morales nga walay mahitabong pagpangabuso gumikan pinili man ug sakto ang mga milangkob sa tokhang team.
Kalabot niini, gibutyag ni General Morales nga kung kinsa lang nga mga pangalan ang nabutang sa listahan sa Directorate For Intelligence mao lang ang pahigayunan ug tokhang sa kapulisan.
Samtang ang mga newly identified nga lambigit sa druga, ang ilahang pangalang ang kinahanglan pa nga ipa-ilalom sa validation ug verification sa Directorate For Intellegence.
Dili matud pa sama kaniadto nga tanang mga pangalan nga nagagawas gikan mga nag-surface sa otoridad ang gina-tokhang sa kapulisan bisan ug walay igong validation.
