Mga opisyal sa Philip Morris ug Japan Tobacco, midangop sa NBI Region 10

Midangop sa National Bureau of Investigation kon NBI Region 10 ang mga opisyal sa Philip Morris ug Japan Tobacco kay ilang gipanghimakak nga gikan kanila ang 1,204 cartoon nga pekeng mga sigarilyo nga  gitagoan sa usa ka bodega sa Barangay Kauswagan ning syudad.

Matud ni NBI Regional Director Patricio Bernales nga giklaro sa mga representante sa Philip Morris ug Japan tobacco nga peke gayud ang maong mga sigarilyo nga gipalusot sa suspected chinese national nga si Shi Zhulian.

Gibutyag ni Bernales nga misaad ang mga opisyal sa Philip Morris ug Japan tobacco nga motabang sa NBI aron pasakaan sa kaso ang maong chinese national ug ang iyang mga kaubang mga Pilipino.