Mibahad si Atty. Dale Bryan Mordeno nga mag-atobang sa kasong Criminal ug Administratibo sa Ombudsman ang mga officials sa Department of Public Works and Highways kon DPWH kon ilang ipadayon ang construction sa Access Road sa Bulua nga gipaagi sa yuta ni Jose Gabriel Laviña nga walay public consultation.
Sa Hearing sa committee on Public works sa City Council kagahapon nga gipangulohan ni Committee Chairman Councilor Zaldy Ocon, gibutyag ni Atty. Mordeno nga supak sa balaod nga maghimong Proyekto ang gobyerno nga walay public consultation sa mga apektadong mga residente.
Ang pahayag ni Mordeno nga basi sa reklamo sa mga residente sa barangay Bulua sa Construction sa Access Road sa DPWH gikan sa Bulua national Highway lahos sa Bulua coastal road nga gi-usab sa DPWH ang Original Plan aron ang maong dalan moagi sa yuta ni La Viña.
Matud ni Mordeno nga mag-atubang sa kaso ang mga officials sa DPWH kon ilang ipadayon ang maong proyekto nga naghatag pabor ni La Viña nga walay public consultation.
