Besh kasagaran sa atoa human masakitan gikan sa grabehan ka bati nga panagbulag o human ma paasa sa mga tao’ng gimahal nato og sobra yano ra’ng naka ingun nga “*guys naka move on nako, yes ok na ko.*” Apan sulod sa imong huna-huna kahibalo ka nga hangtod karun naa gihapon ang kasakit diha sa imong kasing-kasing.
Besh ayaw ilara imong kaugalingon! Basaha ang tulo ka mga sinyales sa ubos, mga punto nga ang usa ka tao klaro kaayo wala pa gyud naka move on. Tingalig guilty ka ha!
1. Kasuway ba ka nga siya ang imong pirme mahunahunaan sa mga butang butang besh? Pwes guilty ka!
Example: nadagma ka human ka mingdagan sa pagdali-dali kay gisugo ka og suka. Human ka matumba napangos ka gamay, unya sa pagtutok nimo sa imong pangos naka hinumdom ka nga sama sa ka-pink sa maong pangos ang mga aping sa imong ex. (*nihilak dayon ka’g kalit murag bata*)
2. Kasuway ka ba besh nga kay di na gyud ka ganahan nga naay contact niya ug imong gi-delete ang iyang phone number sa imong contacts, apan diay to memorize sa huna-huna ug kasing-kasing.
Tungod niini magpa “*wrongsent-wrongsent*” lang kunohay ka tingalig mo reply pa.
3. Kining number three besh ang pinaka kuyaw kumbaga level 1000 wa ka move on na ni! : kasuway ba ka besh nga bisan asa ka mo adto pirme nimo siyang makita? Kana gani’ng moaksyon n aka og kabalaka kay daghan na siya og parehag nawng.
Example:
ikaw: dae nakabantay ka?
Amega: nga unsa man dae ba?
Ikaw: si sir na to ba sa math gani nga klase, kay parehag nawng sa akong ex? Kabantay ka?
Amega: dae ok ra ka? Ka puti na og uban ni sir unya kunot napud og agtang napareha na nuon og nawng sa imong ex? Dae murag giungo nga gyud ka dae
Ikaw: ….
Besh ang pagmove-on nanginahanglan na og taas nga higayon ug hinay-hinay proseso, busa ayaw og undang og pagsunod ani nga website kay sunod maglista na pud ko kung unsay mga sinyales nga naka move on naka! Ayaw sipyata ang atong panag-uban sa radyo matag gabii 9:00pm-12:00am sa programang Ishare ta bestfriend! Sa 93.9 iFM LR lahi ra!
