Naghangyo ang mga pamilyang apektado sa road widening project sa Department of Public Works and Highways kon DPWH Region 10 partikular sa Agora-Valenzuela road nga matagaan sa pinansyal nga tabang sa lokal nga kagamhanan.
Kini atol sa gihimong public hearing karong hapon sa Lapaz 1 covered court, Barangay Lapasan ning syudad.
Tungod niini, gipasalig ni City Councilor ug Liga ng mga Barangay President Alam Lim sa mga apektadong pamilya nga iyang ipaabot sa konseho sa syudad ang ilang mga hangyo.
Ang kalihokan gipasiugdahan sa Office for Community Affairs pinaagi ni Patrick Gabutina uban ni City Administrator Teddy Sabuga-a, mga personahi sa DPWH, Office of the Building Official, City Housing and Urban Development Department, City Social Welfare and Development ug Lapasan barangay council pinangulohan ni Kapitan Julito Ogsimer.
