Dautan ang boot sa mga obispo ug mga Pari sa Iglesia Filipina Independiente kon IFI tungod sa maka-uulaw nga pasangil nga gimarka sa wala mailang suspect sa ilang Simbahan sa IFI sa Barangay Bulua ug Barangay 12 ning syudad sa Cagayan de Oro.
Matud ni Father Horace Yangyang nga Kora Paroko sa IFI church sa Bulua nga dili tinood ang gipasangil sa mga suspect batok sa mga Pari sa Aglipay church.
Ang pahayag ni Yangyang, iyang reaction sa nakit-an nga gi-vandal sa ilang koral sa ilang simbahan sa Bulua ug dalan Pacana ning syudad nga matud pa ang mga Pari sa IFI church, terorista ug supporters sa NPA.
Matud ni Yangyang nga ang trabaho sa mga Pari mao lamang ang pag-alagad sa katawhan pagwali sa maayong balita dala ang pagtoo sa makagagahom nga Diyos, dili terorista ug dili supporters sa mga NPA.
