Mga pasyente nga may covid symptom indi na pag akomodahon sang Bacolod City Health Office

Indi na magbaton ang Bacolod City Health Office sang mga pasyente nga may yara sang sintomas sang COVID-19 sumugod sa Lunes, Oktubre 26.

Ini ang ginpahayag ni City Administrator kag Executive Director and Deputy for Administration and Operations sang Bacolod City Emergency Operations Center – Task Force, Em Ang.

Suno kay Ang nga katuyuan sini nga mahatagan sang proteksyon ang mga pasyente ilabi na gid ang mga nagabusong nga kababaenhan nga indi malatnan sang amo nga virus.


Pahayag ni Ang nga base sa ila daily reports may yara gid pirme sang nagaka-test positive nga naga-busong nga babayi gani ini ang ila na ginatun-an kag plano nila nga magpakigkita sa Philippine Obstetrics and Gynecologist Society (POGS) agud hibaluon ang kawsa sini.

Nahibaluan nga ang mga naga-busong nga kababaenhan amo ang mayoriya nga pasyente nga regular naga-pakonsulta sa lying-in clinic sang Bacolod City Health Office.

Samtang ang mga pasyente naman nga may sintomas sang coronavirus, ini sila ang iga-accommodate sa Bacolod Respiratory Out-Patient (BRO) Center.

[image: image.png]

Facebook Comments