Mukabat sa kapin 50 milyones pesos nga kantidad sa mga pekeng CD ug DVD ang nakumpiska sa Optical Media Board, sa gihimong tulo ka dungan nga inspeksiyon niini sa tulo ka lokasyon dinhi sa dakbayan sa Iligan, pasado alas-5:00 kagahapon sa hapon.
Gihimo ang maong operasyon sa may Aguinaldo Street, Quezon Avenue ug Barangay Palao.
Sumala ni Anselmo Adriano, Chairman ug CEO sa OMB, ang operasyon nila kagahapon ay labing unang pinakadakong operasyon nila sa tibuok Pilipinas.
Namugna matud pa kini, pinaagi sa usa ka sumbong nga nakumpirma dihang maghimo ang OMB ug surviellance.
Walay business permit gikan sa city mayor’s office ug walay lisensiya gikan sa OMB ang maong mga negosyo.
Bugtong DTI registration lang ang nakuha sumala ni Adriano.
Walay naarestong tag-iya tungod kay walay miangkon kun kinsa niini nga anaa sa maong area tag-iya sa matag stall apan dunay nakuhang pangalan pinaagi sa DTI registration nga mahimong basehan sa pagpasaka ug kasong paglapas sa RA 9239.
