Mapasalamaton ang mga personahe sa Department of Information and Communication Technology sa suportang gihatag sa provincial Government sa Misamis oriental ilabina alang sa proyektong Tech4ed.
Matud ni Engr Joel Hoi, ang project focal person sa tech4ed sa DICT, mokabat na 181 ang kinatibuk-ang ihap sa tech4ed nga nabutang sa nagkadaiyang munisipyo dinhi sa region-10 ug 42 niini Makita sa mga munisipyo sa Misamis oriental.
Plano usab sa DICT nga ang tanang National High School ug barangay ang mabutangan sa tech4ed center o learning hub. Partner sa DICT ang Department of Health, Department of Agriculture, TESDA ug ubang government agencies.
Gibutyag ni Hoi nga dili tanang munisipyo ang mabutangan sa pagka-karon tungod kay magdepende lang sila sa budget nga ihatag sa ilang buhatan.
