Walay undang nga gigukod karon sa Police Station 10 Cugman, ang mga gagamit sa ginadiling droga.
Matud sa kapolisan sa Cugman nga angay na nga magbantay-bantay katong mga gagamit og droga ug walay plano nga moundang.
Nasayran nga sukad niadtong tuig 2017 hangtud karong tuiga, aduna nay 55 ka operasyon nga gihimo ang polis station 10 Cugman, batok sa ginasiling droga.
Sa nasangpit nga ihap, 70 niini ang nadakpan nga mga drogalista.
Gawas sa mga drogalista, gukdon usab sa Police Station 10 Cugman ang mga wanted person.
Gibutyag ni PO2 Baculio nga sa bulan lamang sa Enero ning tuiga, tulo na ka wanted person ang ilang nadakpan.
Dugang pa ni PO2 Baculio, nga kini nga mga tawhana, adunay kaso sa pagsupak sa Republic Act 9262 o Anti Violence Against Women and Children, Child Abuse, ug pagsupak sa Republic Act 9165 nga mao ang Dangerous Drugs Act.
