Gipasalamatan ni Misamis Oriental Governor Bambi Emano ang mga piniriso sa Misamis Oriental Provincial Jail and Rehabilitation Center kon MOPJ.
Kini atol sa gihimo nga kalingawan sulod sa MOPJ bag-ohay lang.
Matud ni Gov. Emano nga iyang gikalipay ang wala pagpabadlong ug paghatag sa labad sa ulo sa mga piniriso.
Nasayran nga mihatag og gamay nga pahalipay sa mga piniriso ang gobernador, pinaagi sa
pa-raffle, salosalo, caroling contest ug live band.
Samtang gikalipay ni Misamis Oriental Provincial Jail and Rehabilitation Center kon MOPJ Overseer, Buboy Factura, ug MOPJ Jail Warden Dominador Tagarda, ang paghatag ni Governor Bambi Emano og kalipay ug panginahanglanon sa mga piniriso.
Matud ni Factura nga bisan og nakasala ang mga piniriso, apan gitagaan gihapon kini og bili sa gobernador.
Dugang pa ni Factura, nga gawas sa tawo ra usab ang mga piniriso, apan nahimo kining kaabag sa pagtubag sa panginahanglanon sulod sa pasilidad.
