Inalerto ng Philippine Embassy sa Singapore ang mga Pilipino doon sa harap ng pagtaas ng kaso ng COVID-19 infection sa Singapore.
Ito ay lalo na’t inaasahan ang patuloy na COVID-19 waves ngayong taon na ito.
Pinaiiwas din ng embahada ang Filipino community sa paglabas o pakikihalubilo sa maraming tao.
Inalerto rin ng embassy ang mga Pinoy na bibiyahe patungong Singapore na dagdagan ang kanilang pag-iingat.
Pinapayuhan din ng Philippine Embassy ang mga Pinoy sa Singapore na magpaturok ng panibagong bakuna kontra COVID-19.
Una nang kinumpirma ng health officials sa Singapore na tumaas din ang bilang ng mga nao-ospital doon dahil sa infection, bagama’t bumaba ang bilang ng mga nalalagay sa Intensive Care Unit.
Facebook Comments
