*Gipasidunggan kagahapong adlawa ang mga police station ug personahe nga mihatag sa maayong serbisyo sa katawhan atol sa ika-11th Police Service Anniversary Celebration nga gipahigayon sa Regional Head Quarters sa Police Regional Offic 10 sa Camp Alagar, Barangay Lapasan ning dakbayan.*
*Atol sa kalihokan nahimong guest speaker si Philippine National Police Deputy Chief for Administration nga si P-D-D-G Ramon Apolinario maoy nagsilbing guest of honor ug speaker. *
*Highlights sa kalihokan kagahapong adlawa ang paghatag pasidungog sa mga police station ug sa mga personahe nga mihatag maayong serbisyo.*
*Tema sa dakong kalihokan mao ang “Buhay ng Pulis Handang Ibuwis para sa Katahimikan at Kaayusan ng Bayan.” *
*Nahimo usab nga Best City Police Station ang Ozamis City, sa pagdumala ni Police Chief Insp. Jovie Espinido; Iligan City Police Office isip Best City Police Office ug Best Provincial Police Office ang Misamis Occidental Police Office. *
*Nakuha usab sa Manolo Fortich Municipal Police Station sa Bukidnon ang Best Municipal Station ug Best Provincial Public Safety Company ang Bukidnon PPSC. *
*Nakakuha usab sa award ang Cagayan de Oro City Police Office isip Best Unit tungod sa Accomplishment sa Project Double Barrel Alpha ug awardee usab ang mga special unit sama sa Anti-Cyber Crime Group; Criminal Investigation and Detection Group; Regional Crime Laboratory Office; Highway Patrol Group; Regional Chaplain Service ug Regional Health Service. *
*Gawas niini, nakadawat usab og Medalya ng Papuri ang pipila ka polis nga sila si Police Senior Supt. Mary Leocy Mag-abo; Police Supt. Ailleen Bernido; Police Chief Insp. Christian Terrence Caballes; Police Insp. Geraldine Abalde; SPO4 Calixtro Bernido Jr.; PO3 Mark Job Orendain; POR Arnold Sabijon Jr.; PO2 Edzel Salvo; PO1 Julius Ceasar Gumurod ug usa ka NUP nga mao si Mylen Muego.*
*By: Kasamang Ellah Baculio*
