Magpu-asa sulod sa duha ka kan-anan ang mga binilanggo sa Agusan del Norte Provincial Jail aron itabang sa mga bata nga biktima sa gyera sa Marawi ang matigum nga kwarta nga ipalit unta nila’ng pagkaon. Lauman nga kapin 30 mil pesos ang mahipos nga salapi sa maong pagpu-asa ug maog gamiton sa pagpalit ug mga school supplies alang sa mga bata’ng magtutungha nga nabiktima sa Marawi. Gipasabot ni Provincial Jail Warden Fermin Antenorio nga pagpakita kini nga nagbag-o ug nagreporma na ang mga binilanggo sulod sa jail ug andam nila tabangan ang mga nagkinahanglan. Hinoon giklaru sa opisyal nga bolontaryo lamang ang pagpu-asa ug magdepende kini sa kahimtang sa panglawas sa mga binilanggo.
Sent from my Samsung Galaxy smartphone.
Facebook Comments
