Hingpit nang mapatuman sa konseho sa barangay Canitoan ang ilang mga programa ug proyekto karong tuiga.
Kini human malakip sa 2019 Annual Budget sa konseho ning siyudad ang paghatag pondo sa maong barangay gikan sa kantidad nga mokabat sa 23,521,552.
Nasayran nga dunay 10 porsyentong gigahin alang sa kalihukan sa Sangguniang Kabataan samtang 20 porsyento ang pondo alang sa mga proyekto sa imprastraktura ug panginabuhian sa katawhan nga naglakip sa pagpalit sa usa ka unit nga shredder machine, pag-instalar og mga basurahan sa Zone 1 paingon zone 10, pagrehabilitar sa multi-purpose hall ug pagrehabilitar sa reading center.
Dugang pondo usab ang gihatag alang sa pagpatukod og drainage gikan sa Zone 1 paingon zone 10, pagrehabilitar sa stage nga dunay CR, pagbutang og siga sa kadalanan, pagtukod og kanal sa pipila ka sitio ug uban pang proyektong pang-imprastraktura nga gilantawng makahatag dugang kalamboan sa katawhan.
