Mapagarbuhong gipakita ni Gov Bambi Emano ang mga programa ug proyekto sa lalawigan atubangan sa mga kadagkoan sa napulo ka kompanya sa Misamis Oriental kinsa nahimong top 10 taxpayers sa ikatulong quarter ning tuiga.
Tumong niini nga mapahibalo sa mga taxpayers ang gipadulngan sa ilang gibayad nga buhis sa lalawigan sama sa paghatag og pondo alang sa barangay empowerment program.
Usa sa gipadulngan sa buhis nga nakolekta sa lalawigan mao ang gihatag nga 5 tawsan pesos cash gift sa mga empleyado lakip na ang ilang 15th month pay ug pag-increase sa ilang sweldo ngadto sa 4th tranch.
Matud ni Gov. Bambi Emano, angay lang pasidunggan ang mga taxpayers sa lalawigan tungod kay kung dako ang buhis nga makolekta, daghan sad nga proyekto ug programa ang mapatuman sa probinsya.
