Gihisgutan sa Committee on Repatriation on *Locally Stranded Individuals* ang mamahimong protocol sa mga *Locally Stranded Individual o LSI ug Returning of Filipino Workers o ROF’s.*
Sa interview sa RMN Malaybalay ngadto kang PCL Ex-Officio Board Member Atty. Oliver Owen Garcia isip hepe sa maong komitiba, gibutyag niini nga giplastar nila pag-ayo ang proseso sa pagdawat sa mga ROF’s uf LSI’s aron masiguro nga dili makatakod ug virus sa Bukidnon.
Matud ni Board Member Garcia gibutyag niini nga responsibilidad sa komitiba nga masiguro ang proteksyon sa mga lumulupyo sa Bukidnon ug ang pag-abot sa mga ROF’s ug LSIs.
Nasabutan sa mga local opisyales nga padayunon ang pagdawat sa mga LSI ug ROF’s nga gikan sa Manila ug Visayas.
Gipahayag ni Garcia nga apil sa mga proseso nga ilang nasabutan mao nga sunduon kini sa *airport* ug pantalan sa 4 ka *bus* nga gitagana alang kanila.
Gikan didto, modritso dayon kini sa Northern Mindanao Wellness And Reintegration Center isip temporaryong COVID-19 Quarantine Facility sa Brgy. Casisang syudad sa Malaybalay.
Sa maong pasilidad ipahigayon ang pag *rapid test* kanila ug pag-*interview* sa *medical personnel*. Human niini, kini pagasunduon sa City/Municipal Disaster Risk Reduction and Management Office ug i*-turn over* dayon kini sa ilang Municipal/City Health Office ug dal-on sa ilang tagsa-tagsa ka *quarantine facility* sa ilang munisipyo o syudad.
Ang mga LSI ug ROF’s mopailalom sa *14 day quarantine*sa dili pa kini ipapauli sa ilang tagsa-tagsa ka panimalay aron dili mokuyanap ang maong virus sa ilang tagsa-tagsa ka lugar. Kung adunay magpositibo, idritso kini sa COVID-19 Center sa Bukidnon Provincial Medical Center o BPMC aron mahatagan ug insaktong medikal nga atensyon. Gisiguro usab ni Atty. Garcia nga kinahanglan nakaandam ang ilang *medical personnel* lakip na ang ilang pasilidad.
