Tungod sa kusug nga hangin , pipila ka punoan ang natumba sa managlahi nga lughar sa syudad ug probinsiya sa Sugbu karong adlawa .
Usa ka taxi ang nakaangkon ug kadaut human natumba ang usa ka ponoan sa dalan Juana Osmeña sa dakbayan sa Sugbu .
Wa hinoon maunsa ang taxi driver nga si Samuel Cabrera nga taga Talisay City ingon man ang pasahero niini nga naglingkod mismo sa likod nga bahin sa sakyanan .
Samtang sa lungsod sa Boljoon habagatang Sugbu usa ka punoan sa taloot ang natumba dool sa Naitonal High School sa Barangay Granada .
Si Alex Villarta sa Municipal Disaster Risk Reduction and Management Office nibutyag nga naigo sa natumba nga punoan ang street light sa lungsod ug nakaali sa moagi nga mga sakyanan sa highway.
Dali ra hinoong na-clear ang karsada tungod sa pagtinabangay sa MDRRMO ug mga opisyal sa barangay Granada .
Ang Pag-asa DOST Visayas nitala ug average nga hangin nga 35 ngadto sa 40 kph ug unos 60 kph tungod sa pagkusug sa habagat subay sa bagyong Hanna.
Wa hinooy nangangol sa maong hitabo.
