Kapin sa usa ka gatus ka mga Person with Disabilities ang nahatagan sa medical, dental ug grooming services gikan sa Provincial Government sa Camiguin atol sa ika-upat nga Provincial PWD Summit.
Ang maong programa dunay temang “Lokal na Pamahalaan: Kabalikat sa Pagtupad ng Karapatan ng mga Taong May Kapansanan,”.
Samtang, 20 ka mga binipisyaryo ang nahatagan sa livelihood starter kits gikan sa Department of Labor and Employment nga gilangkoban sa sari-sari store and tempura package ug backyard hog raising.
Duna pay gipahigayong singing contest, dance contest ug poster making contest nga gisalmotan sa mga PWD’s.
Sa maong programa, mapasalamaton si Mr. Axel Salise, ang PWD association president sa Camiguin tungod sa importansya nga gihatag sa ilang sektor pinaagi sa provincial government.
