Mga real property owners sa South Cotabato ginaremind sang Provincial Treasurers sa ginapatuman nga 20 porsyento nga diskwento sa RPT.

Ginaremind ni South Cotabato Provincial Treasurer Alvim Batol ang mga taxpayers sa probinsya nga tubtob subong na lang nga bulan ang ginahatag nila nga bienti porsyento nga diskwento sa magbayad sang ila nga real property tax para sa masunod nga tuig.
Samtang iya ginkumpirmar nga sa Enero sa masunod nga tuig may ipatuman pa man sila nga diskwento sa magbayad sang RPT, apang yara na lang sa dyes porsyento.
May-angot sini, iya ginaawhag ang mga taxpayers nga kon luyag makaavail sang daku nga diskwento sa balayran sa RPT magbayad na subong nga Disyembre kag bukas ang ila nga talatapan Lunes tubtob Biyernes nga adlaw alas 8:00 tubtob alas 5:00 sang hapon.