Nakabalik na sa ilang mga pinuy-anan kagahapong adlawa ang mga residente sa Lagonglong ug Balingasag, Misamis Oriental, human sila mibakwit gumikan sa pagsaka sa tubig baha sa ilang dapit niadtong Hwebes.
Kini ang gipahibalo ni Provincial Disaster Risk Reduction Management Office kon P-D-R-R-M-O head Vincent Jun Dy, kinsa mipahibalo nga hingpit na usab nga maagian ang Musi-Musi bridge sa Balingasag sa maong lalawigan, human nadaot ang approach niini niadtong miaging adlaw.
Samtang gibutyag usab niini nga nagpadayon sa gihapon ang byahe sa mga lantsa sa Balingoan, tungod kay wala silay nadawat nga abiso alang sa pagsuspenso niini.
Tungod niini, nanawagan sa gihapon si Sir Jun Dy nga sa matag karon ug unya kinahanglang magbinantayon sa mga pagdaot sa panahon ug kinahanglang mobiya gilayon gikan sa mga pinuy-anan kung gikinahanglan.
Kini panahon nga mabantayang dili na maayo ang kahimtang sa panahon gumikan sa padayong pagbundak sa kusog nga ulan ug kusog nga hangin.
By; Radyoman Aiza Enloran and Radyoman Ellah Baculio
