Dili tagaan og ayuda ni Kapitan Al Legaspi Jr. sa Barangay Bulua ang mga residente nga masapong gainum, ga-basketball o makita sa gawas sa ilang panimalay.
Matud ni Kapitan Legaspi nga kung naay silay masapon, makuhaan og picture ug makuhaan sa pangalan dili na kini makadawat og ayuda gikan sa barangay.
Dugang pa ni Kapitan Legaspi, nga naghangyo karon sa mga residente ang Barangay Bulua nga kung mahimo magpuyo lang sulod sa balay ug dili maglaag-laag.
Nasayran nga nasabutan na karon sa mga barangay officials nga maghimo og pag-roving gikan buntag, hapon ug gabei.
Gikompirmar ni Kapitan Legaspi nga aduna na silay giandam nga ayuda alang niadtong mga naglisod nga pamilya.
Kini nga ayuda ang gikuha mismo gikan sa pundo sa barangay.
Matud ni Kapitan Legaspi nga sa karon ila nalang gihulat ang guidelines gikan sa City Social Welfare and Development kon CSWD, aron mahatag na nila ang mga ayuda ug mahatud kini sa matag panimalay.
Tungod niini, nanawagan karon si Kapitan Legaspi sa tanang residente sa Barangay Bulua nga kung walay laing lakaw mas maayo nga magpuyo nalang sa balay.
Dugang pa ni Kapitan Legaspi nga tungod kay aduna may gipatuman ang syudad nga community quarantine nagpasabot kini nga dili maglaag-laag aron nga dili madakpan sa curfew.
