Gilaumang makaangkon sa kaugalingong lote ug desente nga pinuy-anan ang mga sakop sa Armed Forces of the Philippines ug Philippine National Police nga nadestino dinhi sa syudad.
Kini human nagpasa og ordinansa ang konseho ning siyudad nga nag-aprobar sa aplikasyon sa National Housing Authority alang sa Development Permit sa CDO Midland Valley Homes residential project subay sa mga kondisyon nga girekomendar sa buhatan sa City Engineer’s Office ug City Planning and Development Office.
Ang maong proyekto natukod sa barangay Dansolihon sa luna nga dunay gilapdong 35,290 metros kwadrado nga gibahin-bahin sa pipila ka mga lote ug tukuran sa 500 ka panimalay.
Kini ang gitagana nga housing project sa mga sakop sa AFP ug PNP.
Facebook Comments
