Nag negatibo ang mga sakop sa konseho atol sa gipahigayong drug testing niadtong adlawng lunes, September 11, 2017.
Lakip sa negatibo mao sila Vice Mayor Kikang Uy, ug 14 ka mga sakop sa konseho nga mipa ilalom sa drug test nga gipahigayon sa Philippine Drug Enforcement Agency o PDEA-X.
Nasayran nga negatibo sa methamphetamine o shabu ug THC o marijuana, sila Vice Mayor Rainier Juaquin Kikang Uy, City Councilors Reuben Daba, George Goking, Ian Mark Nacaya, Yan Lam Lim, Edna Dahino, Ma. Lourdes Gaane, Anne Daba, Zaldy Ocon, Dometilo Acenas Jr., Leon Gan Jr., Jay Roa Pascual, Romeo Calizo, Suzette Magtajas Daba, Nadya Elipe, ug Lordan Suan.
Ang resulta migawas sa susamang adlaw human nga nag sumite ang mga sakop sa konseho og urine sample kinsa gisusi ni Mary Anne Ancheta, ang Chemist 1 sa PDEA-X Laboratory.
Mahinumduamn nga niadtong September 11, 2017, dihang gi aprobahan sa konseho ang ordinance number 13293-2017 nga nag gahin og 1.2 million pesos alang sa pagpahigayon og mandatory drug testing sa tanang officials ug empleyado sa city hall.
