Gipangunahan ni Presidente Rodrigo Duterte ang paghatag medalya sa mga samarang sundalo.
Gihimo ang maong awarding sa 4th Infantry Division o 4th ID Philippine Army sa Camp Evangelista, Barangay Patag ning syudad sa Cagayan de Oro niadtong Biyernes sa gabie.
Matud ni 1st Lt. Tere Ingente, Spokesperson sa 4th ID nga niabot sa kampo ang president aron hatagan sa pasidungog ang 14 ka mga sundalo.
Gihatagan sila sa order of Lapu-Lapu award, samtang gipasidunggan ni Eastern Mindanao Commander Lieutenant General Benjamin Madrigal ang mga samaran sa wounded personnel medal.
Ang lapu-lapu medal ginahatag sa mga government workers ug private citizen nga naghatag sa kontribusyon alang sa kalamboan sa kampanya sa presidente.
Nasayran nga 7 sa 14 nga samarang sundalo tungod sa pagbuto sa landmine sa Buenavista, Agusan del Norte niadtong Setyembre 15 nga sakop sa 23rd IB nga na assign sa Agusan del Norte.
Gawas sa mga medalya, gihatagan usab sa cash assistance, cellphone, relo ug gun certificate ang mga samarang sundalo.
