Police nga namatay sa operasyon sa Arakan, personal nga giduaw sa PNP Regional Director

General Santos City—Gikumperma ni Police Lt. Col. Lino Capillan nga personal ng gibisita ni Police Brig. Gen. Michael Jhon Dubria, Police Regional Office 12, Regional Director ang haya sa Police nga si Police Staff Master Sgt. Rofel Manuel nga nakabase sa Arakan Municipal Police Station, kansa namatay human nga napusilan sa ilang target sa operasyon niadtong nakaabayng adlaw. Sumala ni Capillan nga nasayangan si Dubria sa kinabuhi sa iyang sakop apan wala siyay mahimo tungod mao man kini ang usa sa mga risgo sa ilang trabaho.

Gibutyag usab ni Capillan nga madawat sa nahibiling pamilya ni Police Staff Master Sgt. Rofel Manuel ang tanang binipisyo nga angayan nilang makuha human sa nahitabo sa nasangpit nga Police.
Kahinumduman nga igo ra untang mo serve ug warrant of Arrest si Manuel uban sa iyang tropa batok sa suspek nga adunay kasong murder apan kini naunhan ug pusil sa suspek nga hinungdan sa iyang kamatayon.
Patay usab ang suspetsado human napusilan sa mga kaubanan ni Manuel. Gidala pa sa ospital ang duruha apan susama silang gideklarang dead on arrival.

Facebook Comments