As of this writing, ang photos kabahin sa couple nga may edad na apan ma gihapo’y gabantay sa ilang negosyo nga pungko-pungko sa may Fuente Osmeña, Cebu City mi-ani na og more than 8,000 reactions, almost 3,000 comments ug almost 2,000 shares. Nagviral gyud ang iyang facebook post kung asa iyang gipadayag iyang kalouy sa maong nanay ug tatay.
Mao ni ang iyang gi-caption sa iyang post niadtong October 3. “Magsakit gyud akong dughan makakita aning duha oi. Maluoy gyud ko ani nilang duha ba. Mao na og mokaon ko diri ari gyud ko sa ilaha mokaon. Unya di nalang ko magpasukli sa akong bayad. Malipay lang ta magtan’aw sa ilahang ngisi. Kung mangaon sad mo diri, ari sad mo kaon nila nanay og tatay guys. Louy kaayo bisag tiguwang na kaayo sa tanan kay nanginabuhi gihapon. Kung manawag sila’g customer di tawn makadungog ang mga tao kay hinay man kaayo sila’g tingog kay lage tiguwang na kaayo. Maong kita nalang moduol og diretso nila kung makakita ta nila.”
Sa sunod ninyong bisita sa maong sikat nga pungko-pungko hinaot pa nga sama sa plea o hangyo sa maong netizen nga si Angelica Villarosa, atoa pud untang tilawan ang ilang tinda ni nanay ug tatay. Makigtabi pud ta nila ug atleast kumusta man lang nila ba.
