TACLOBAN CITY – Magdudumara hin aggressive cleansing an Department of Social Welfare and Development (DSWD) Regional Office 8 ha mga social pensioners ha rehiyon.
Ini in sumala kan DSWD Regional Director Yvonne Serrano Abonales. Ha report nga umabot ha DSWD, damo nga mga senior citizens an diri kwalipikado nga makakarawat han mao nga ayuda.
May mga social pensioners nga naghatag hin sayop nga impormsyon ha DSWD samtang hira in ginvavalidate.
Abiso han ahensya, pwede la gihapon matanggal an usa nga social pensioner kun maghatag hin sayop nga impormasyon.
Utro nga pahinumdom han DSWD nga an pwede la maka avail han social pension program amu an mga senior citizens nga pobre, diri pensyonado han SSS, GSIS o anuman nga klase hin pensyon, ngan waray nakakarawat nga kwarta tikang ha myembro han pamilya.
