Hilway na nga kaunon ang mga shellfish kag iban pa nga mga seafoods nga makuha sa kadagatan sang Isla Higantes sa banwa sang Carles, Iloilo.
Ini ang deklarasyon sang Bureau of Fisheries and Aquatic Resources ukon BFAR matapos nag-negatibo na sa red tide toxins ang mga shellfish sa nasambit nga lugar.
Suno sa BFAR negatibo na sa Paralytoc shellfish poison ang mga pakinhason base sa resulta sang red tide monitoring activities nga ginahimo sang ahensya kag sang Local government unit.
Bangud sini, ginapahanugutan na sang BFAR ang pagpanguha, pagbaligya kag pag-kaon sang mga shellfish sa nasambit nga lugar.
Ginpat-od man sang BFAR nga magapadayon ang ila pag-monitor sa baybayon sang Isla Higantes agud maamligan ang mga pumuluyo kag ma-proteksyuhan sang industriya sang shellfish.
