Davao City- Dunay mga pangalan nga ginagunitan karon ang kapulisan sa Kiblawan, Davao del Sur kabahin sa mga nalambigit sa natigayong ambush sa mga highschool students sa Kimlawis kaniadtong Oktubre 29.
Sumala ni Mayor Jason Rama, Mayor sa Kiblawan nga sa karon subay sa gipahigayong follow up investigation sa kapulisan, duna nay unom ngadto sa pito ka mga pangalan ang migawas nga posibleng maoy responsable sa pagpangambush apan dili pa kini kumpirmado sanglit wala pay kumpirmasyon gikan sa kapulisan.
Sa karon, gi-awhag sa mayor ang mga Tribal Chieftain nga tabangan siya sa pakig storya sa mga suspek nga kung mahimo mutahan nalang sila sa ilang kaugalingon sa mga otoridad.
Kahinumduman nga gi-ambush kaniadtong Oktubre 29, alas 12 sa kadlawun ang gisakyang dump truck sa mga Kimlawis highschool students gikan sa DAMSU festival diin duha patay samtang pito ang samaran diin ang ginalantaw nga motibo mao ang bangi sa matag pamilya sa tribong B’laan.
RadyoMaN Renz Barbarona
