Bitbit ang search warrant, gi-ukay sa kapulisan sa Ozamiz City ang usa ka hotel ug usa ka security agency nga gipanag-iyahan ni Councilor Ricardo Parojinog, niadtong nakalabay’ng gabii.
Nakuha sa mga utoridad ang nagkalain-lainng tag-as nga kalibre sa mga armas sama sa anti-tank rocket-propelled grenade launcher o RPG, 15 ka mga 12-gauge shotgun, 18 ka mga 9-mm pistol, walo ka mga .38 revolver ug usa ka M-16 rifle ug aduna pa’y gitouhang shabu sulod sa Dottie’s Inn ug sa MROP Security Agency.
Nahunong ang operasyon sa nasangpit nga mga negosyo human magtago-tago ang tag-iya’ng konsehal sa lungsod tungod sa pagkamatay sa iyang igsoong si Mayor Reynaldo Parojinog, atol sa usa ka drugoperation niadtong nakalabay’ng tuig.
Human gi-ukay ang maong hotel ug security agency, mi-deretso ang kapulisan sa usa ka balay nga gipanag-iyahan sa usa ka Ian Dionson sa BarangaySangay Dako, sa Ozamiz ug nakit-an ang tunga sa kilo nga gituohang shabu nga adunay gibana-banangstreet value nga P4M; duha ka mga rifle grenade, duha ka mga 40 mm rifle grenade ug usa ka M16rifle with M203 grenade launcher.
Gi-aplayan sa PNP og search warrant ang nasangpit nga balay human kini gitudlo sa nadakpan nga usa ka Joven dela Vega, kinsa kanhi driver/bodyguard sa mga Parojinog.
Gitakdang pasakahan og tukmang kaso si Parojinog karong adlawa.
