Gihimo kaganihang kadlawon sa Cagayan de Oro City Police Office ang ilang peace and order drive nga gitawag nga Oplan Galugad kung asa nasikop sa mga pulis ang pipila ka mga tambay ug mga personalidad nga dunay giatubang nga warrant.
Lakip sa ilang nasikop ang duha ka lalaking dunay dalang kutsilyo.
Kini mao silang Jonathan Tugade, 26 anyos ug taga Barangay Bgang Isabela City, Basilan ug usa ka Brien Baja, 34 anyos, taga Opol Misamis Oriental, parehong mga parking boy.
Nasayran nga nakuha gikan kang Tugade ang usa ka kutsilyo nga dunay katas-on nga 10 pulgada, samtang moabot sa 11 pulgada usab ang nakuha sa otoridad gikan kang Baja.
Ang duha lakip sa gi-prisenta sa kapulisan sa Cagayan de Oro City Police Office sa gihimong Oplan Galugad.
Facebook Comments
