Syudad sang Iloilo-Nagalanog karon ang balita nga ginpatawag ni Mayor Jose Espinosa III ang pila ka mga Executive Assistants kag jobhires nga kilala nga tinawo sang iya bilas nga si Cong. Jerry TreƱas.
Suno sa informant sang EMN Iloilo ginhambalan na sila ni Espinosa nga kakas na sila sa ila posisyon sa syudad.
Una nga nakakas amo sanday Executive Assistant Melchor Tan nga anay City Administrator sadtong panahon ni TreƱas sang alkalde pa ini sang syudad kag si anay Transportation Management and Traffic Management Office OIC head Nuens Mitch AntiqueƱa nga karon isa sa mga EA nga ginreappoint sang alkalde.
Sang ginpakig-angutan sang RMN Iloilo si TreƱas ginkumpermar niya nga nabatri-an niya ini nga hitabu apang indi lang si Tan kag AntiqueƱa ang ginkakas kundi madamo pa.
“Indi lang na sila nga duha madamo pa. Indi man ako kaintyende ngaa nagakatabu ini,” ang kumpermasyon ni TreƱas.
Ang ginsiling nga pagkakas sa mga TreƱas boys sa city kasunod sang deklarasyon sang kongresista nga magpadalagan bilang alkalde sang syudad.
Bukas ang RMN Iloilo sa pagbaton sang mangin sabat sang mga natungdan.
