Gibalik balik karon og pasabot ni Police Col. Mardy Hortillosa, ang Spokesperson sa PNP region ten sa katawhan, nga human sila magpagawas og kamanduan nga wala nay travel pass sa buot nga mobiyahe sulod sa rehiyon, miabot usab ang bag-ong memorandum gikan sa camp crame.
Matud ni Col. Hortillosa, nga diha-diha dayun ila nang gi-disseminate ang kamanduan nga magkuha na og travel authority, ang mga tawo nga mobiyahe province to province, urbanized city to province, ug province padulong na sa urbanized city.
Dugang pa ni Col. Hortillosa, nga ang authorized lang nga tagaan sa travel authority mao ang mga tawo nga mogawas sa usa ka probinsiya o usa ka syudad, o sa usa ka rehiyon.
Ang maghatag sa travel authority kung urbanized city to province mao ang Police stations sa mga urbanized city, ug Chief of Police kung province to province.
Samtang……
Giklaro ni Police Col. Mardy Hortillosa nga ang hatagan lamang sa travel authority mao ang mga tawo nga dili Authorized Person Outside Residence kon APOR.
Matud ni Col. Hortillosa nga ang requirements niini, mao ang Barangay certification nga nagpamatuod nga walay sintomas sa covid19 ang usa ka indibidwal 14 days sa dili pa magkuha, ug medical health certificate nga gikan sa City Health o Municipal Health.
Dugang pa sa maong opisyal kini nga mga dokomento, mao ang dad-on sa usa ka tawo sa us aka police station kung asa kini nga area nagpuyo, aron matagaan og travel authority.
