Mga trabahante sa probinsya giaghat sa DOLE-Bukidnon kauban ang ECC-10 sa pagsalmot sa "Kamoshtahan sa Region-10"

Giaghat karon sa Department of Labor and Employment (DOLE)-Bukidnon kauban ang Occupational Safety and Health Center – Regional Extension Unit 10 ug ingon man ang Employees Compensation Commision (ECC)-region 10 ang tanang mga trabahante lakip na ang mga employer dinhi sa probinsya sa Bukidnon sa pagsalmot sa ilang ipahigayong webinar.

Ang ilang ipahigayong webinar nga gitawag 2022 KamOSHtahan sa Region 10 nga nagdala sa temang Road Safety at Work: Keeping Employees Safe while going to Work,” nga nakatakdang ipahigayon ugmang adlawa sugod sa alas nuybe sa buntag hanghtud alas 12 sa udto pinaagi sa zoom platform, nga abli matud pa kini sa tanang trabahante nga buot musalmot niini.

Ang maong webinar nga himoon sa DOLE nagtumong matud pa kini sa pagpahibalo sa mga trabahante sa tanang mga benefits nga mahimo nilang mapahimuslan pinaagi sa ECC ug lakip usab nga pagahisgutan niini ang Unsafe Driving Acts, mga kondisyones ug ingon man ang pagsiguro sa safety sa mga trabahante.