Gipaabot sa mga Tribal Leaders sa Quezon Bukidnon nga andam silang makig kooperar sa mga kasundalohan sa 48th Infantry Battalion (IB) ug sa 72nd IB nga na-assign sa lungsod segun sa hangyo niini nga tabangan sila sa misyon nga ipatigbabaw ang kahusay ug kalinaw sa mga komunidad.
Atol kini sa gipahigayon nga dayalogo sa mga sundalo nga na-assign sa lungsod tali sa tribal leader alang sa pagsuta sa mga dugang kinahanglanon aron padayon nga mawala ang problema sa insurhensiya.
Dinhi gipasabot ni Mayor Poling Lorenzo ang kamahinungadanon sa kooperasyon sa tanan, nga pinaagi sa presensya sa kasundalohan, makab-ot ang hapsay nga panimuyo kauban ang pamilya. Matagaan usab sa kahigayunan nga maningkamot sa kaugalingon nga mulambo. Dugang niya, pinaka-una gayud nga gipaninguhaan ilalom sa iyang administrasyon ang pagpatuman sa kalinaw, kahigayunan, kahimsog, ug kalipay.
Gisiguro usab sa kasundalohan nga anaa kanunay ang ilang presensya aron sa pagserbisyo ug pagprotektar sa katawhan sa Quezon, Bukidnon.
Facebook Comments
