General Santos City–Miangkon ang DepEd Gensan nga nakasinati og daghang mga pagsulay sa bag-ong pamaagi sa pagtungha ang mga magtutudlo. Sumala ni Deped Gensan Division Supirentendent Romilito Flores, nalisdan ang mga maestro tungod sa limitado lang nga lihok gumikan usab sa hulga nga dala sa covid-19.
Sumala ni Flores nga bisan sa proseso palang sa distribusyon sa mga modules ngadto sa mga estudyante nalisdan na pag-ayo ang mga maestro. Luyo paman sa maong sitwasyon gipaniguro ni Flores nga mahatag sa mga tulunghaan ang maayong serbisyo alang sa mga estudyante og mga ginikanan. Kini pinaagi na usab sa tabang sa mga barangay kung asa nahimutang ang mga eskwelahan.
Giawhag usab ni Flores ang mga ginikanan nga dili magpasagad kundili makigtinabangay usab kanila aron nga daling mahatagaan og solusyon ang unsa mga problema. Kalabot niini syento porsyento na nga naka imprenta og module alang sa week 1 nga klase ang Dadiangas Heights Elementery School dinhi sa Gensan.
Sumala ni Maam Rose Henoso-Principal sa maong tunghaan, kompleto na ang mga module nga alang sa unang semana sa klase. Gani sumala sa principal nga syento porsyento na usab nga nadistribute ang nasampit nga mga module ngadto sa mga ginikanan alang sa mga estudyante.(JB)
