Pag-pahawan sa mga sidewalakpinaagi sa pagpalayas sa mga vendors nga nag-ukupa sa mga kadalanan dinhi sa dakbayan sa Butuan maoy usa sa gitutukan ni Mayor Ronnie Vic Laganda, niining unang tuig sa serbisyo isip Mayor.Kining maong lakang ang pakyas nga nahimo sa miaging namunuan hinungdan ang pagdaghan sa mga illegal vendors nga nakabalda sa katawhan ug sa dagan sa trapiko
Gamit ang mga ginsakpan sa City Economic Enterprise, LTTMO, inabagan sa Special Weapon and Tactics o SWAT sa Butuan City Police, gipang-kumpiska ang mga tindahan sa mga vendors sa may Cathedral, AD Curato lakip na sa J. Flores ning siudad.
Katuyaan sa City Hall nga ma clear and area, sa rasun nga ang mga sidewalks iya sa publiko ug dili sa mga pribadong tawo nga nag negosyo.
Apan ang maong lakang sa Mayor, miani ug pagsaway sa kasagarang mga vendors sa rasun nga wala silay kabalhinan, ug kulang sa tukmang abiso ang city government ug mihimo sa surprise demolition and clearing operation.
Sumala pa ni Mrs. Patricia Sumalino, vegetable vendors sa may J. Flores nga wala tano-awa sa mayor ang kahimtang sa mga gagmay nga mga vendors.
Botante si Mrs. Sumalino kang RCL sa miaging eleksyun apan “ failing grade o dili pasado ang iyang gihatag nga rating sa bag-ong mayor.
Sa kabahin usab sa City Government, gipahayag ni City Councilor Omar Andaya, chairman sa Committee on Trade and Commerce sa Sangguniang Panlungsod, nga giandam na sa siudad ang lugar nga kabalhinan sa mga vendors.
Gidugang pa ni Andaya, Nakigtagbu na si Butuan city Mayor Ronnievic Lagnada kang Gov. Angel Amante- Matba sa Agusan del Norte aron hisgutan ang posibleng paggamit sa bakanting luna atbang sa Provincial Capitol aron maoy pahimutangan sa mga street vendors nga gipapahawa sa syudad diha sa ilang mga pwesto.
“nagkinahanglan ug serye nga committee hearing aron masulbad ang problema sa mga street vendors tungod kay adunay daku ug kontribusyon sa ekonomiya sa syudad ang mga gagmay’ng negosyante hinungdan nga dili sila angay paundangon”, dugtong pa ni Andaya.
Apan aminado usab si Konsehal Andaya nga dili pa sigurado kung madayun pa nga magamit ang maong bakanting luna, human nasayran nga conditional ang donasyon sa pamilyang Guingona sa maong yuta alang sa probinsya sa Agusan del Norte. (photo city pio)
Summary: Mayor Lagnada takes his initiative to clear the city streets from illegal vendors who have been occupying the streets and sidewalks for so many years. The Mayor says, the streets and sidewalks are for public dominion and beyond the commerce of men.
