General Santos City–Miapila ang Kapulisan sa Sarangani Province ngadto sa katawhan nga sila tabangan sa pagmonitor niining lambigit sa iligal nga pagpamutol ug kahoy sa kabukiran sa Sarangani.
Sumala ni Police Supt. Glenford Alberto, Deputy Provincial Director sa Sarangani Police Office nga mas nasayod ang katawhan sa mga nahitabo sa ilang lugar.
Tungod niini dapat matud pa nga ipahibalo sa katawhan sa kapulisan kung aduna silay makit-ang gapamutol ug kahoy ngadto ilang lugar.
Dili usab angayan nga mahadlok ang katawhan nga isumbong ngadto kanila ang mga tawong responsabli sa pagpamutol ug kahoy sa kabukiran.
Sumala pa nga tungod sa maong binuhatan apektado ang tanan gumikan sa kalamidad sama sa baha ug land slide. Ang pag-atiman matud pa sa kinaiyahan responsibilidad sa katawhan ug dili lang sa kapulisan.
