General Santos City–Gilaumang ma-deposit sa account sa mga magtutudlo ang ilahang midyear ug Christmas bonus sa adlaw’ng Lunes, Nobyembre 16.
Saysay ni Gensan School Division Rommelito Flores nga subay sa memorandum, ang maong bonus ang mahatag human ang Nobyembre 15, ug tungod kini adlaw nga Domingo, gilaumang kini mahatag sa Nobyembre 16.
Gibana-banang anaa sa usa ka bulan nga sweldo ug 5 mil ka pesos ang madawat sa mga magtutudlo sa Gensan sa adlaw’ng Lunes. Gani iyaha ng ginapirmahan ang payroll para sa mga magtuudlo gikan sa Gensan.
Dugang pamahayag ni Flores nga sa karon, makonsidera niyang high morale ang mga magtutudlo gumikan sa benipisyong ginahatag sa gobyerno.
Pag-angkon niya nga dili lang ang mga estudyante ang naga-adjust sa sitwasyon kundili bisan ang mga magtutudlo tungod bag-o usab kanila ang samang matang sa edukasyon.
Sa karon, hangyo nalang niini sa mga magtutudlo sa Gensan nga himuon ang ilahang trabaho ug sakto gumikan wala man sila ginapasagdan. Gani anaa kanunay ang suporta sa LGU Gensan ingon man ang mga benipisyon gikan sa Nasyunal nga Panggamhanan.(LVR)
