General Santos City—Padayon pa ang gihimong pag-ila sa Police Station 1 sa duha ka mga suspek nga responsabli sa pagkawat sa motorsiklo sa usa ka Larry Alimpulos, 31, empleyado sa Sanguniang Panglungsod ning syudad, residenti sa Bo. Obrero, Barangay North, Gensan.
Una nang gikawat sa wala pa mailhing mga suspek ang motorsiklo sa biktima alas 2:00 ang takna sa hapon niadtong nakalabayng simana samtang kini iyang giparking sulod sa compound sa SP.
Base sa CCTV footage nga nakuha sa awtoridad, duha matud pa ka mga suspek maoy niguyod sa motorsiklo sa biktima nga usa ka RS 125 kansa paspas nga misibat human nga nahimo ang dautang laraw niini.
Sa karon nagpadayon pa ang gihimong imbistigasyon sa kapulisan sa Police Station 1 bahin sa maong insidenti.
