Gihipuan ug hapit pa mahaluki og usa ka fan ang American pop star nga si Miley Cyrus samtang naglakaw kini paingon sa iyahang kotse kauban ang bana niining si Liam Hemsworth sa Barcelona, Spain.
Sa video nga mikalat online, makita nga naningkamot ang singer nga makaagi sa kumpol sa iyahang mga fans ug photographers sa dihang mikalit nga naa’y mibira sa iyahang buhok.
Kalit lang pud gi-akbayan sa maong fan ang 26-year-old singer ug gisulayan pa kini’g halok.
Dali ra hinuon nakaipsot si Cyrus sa lalaki nga fan ug dali rapud naka responde ang security sa insidente.
Napansin pud ni Hemsworth nga adunay nahitabong dili maayo mao nga giakbayan dayon niini ang iyahang asawa padulong sa ilahang kotse.
Facebook Comments
