General Santos City—Human sa nahitabong engkwentro sa Barangay Ned, Lake Sebu, South Cotabato, nanghimangno si 2nd Lt. Ronjon Palacio, tigpamaba sa 27th Infantry Batallion, Philippine Army ngadto sa mga residenti sa nasangpit nga lugar nga dili gyud muapil-apil o musuporta sa rebelding NPA.
Sumala pa nga ang militar ang walay pagduha-duha nga gukdon ang mga rebeldi hilabi na kung maghimo nag pagpangharass diha sa kabukiran.
Samtang giawhag usab ni Palacio ang mga miyembro sa NPA nga anaa sa lugar nga musurender nalang sa gobyerno inay magpabilin sa kabukiran tungod sila lamang ang ginailad sa mga tag-as nga opisyal sa nasangpit nga grupo.
Kahinumduman nga sa nakalabyang adlaw nahitabo ang engkwnetro tali sa militar ilawom sa 27th Infantry Battalion sa pakig-alayon sa 33rd Infantry Battalion ug New People’s Army (NPA) didto sa lugar nga miresulta sa kamatayon sa 2 ka sundalo ug 7 ka mga NPA supporters.
