Ginakasubo sang 3rd Infantry Division sang Philippine Army ang pagtaliwan sang isa ka suldado kasunod sang engkwentro sa katapo sang New People’s Army sa Brgy. Sandayao, syudad sang Guihulngan, Negros Oriental sadtong miyerkules sang gab-i, Nobyembre 4.
Sa interview sang DYHB kay Major Cenon Pancito III, spokesperson sang 3rd ID, ginkumpirmar sini nga ang napatay nga suldado ang ginkilala kay Private First Class (PFC) Arjun Guillermo sang Mambusao, Capiz.
Apisar nga nagakasubo ang military sa pagtaliwan sang ila upod, ginpahayag ni Pancito nga indi ini makapauntat sang ila pagtuman sang ila katungdanan nga proteksyunan ang pumuluyo batok sa kamot sang mga rebelde.
Si PFC Guillermo ang nagaisahanon nga pilason sa engkwentro suno kay Pancito kag ini ang nakaangkun sang igo sa dughan nga gintunaan sang iya kamatayon apisar nga nadala pa ini sa hospital sa ciudad sang Kabankalan.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
