*General Santos City—————— Hugot nga gipanghimakak ni Lt. Benjie Leander, ang commanding office sa 27th Infantry Battalion nga mikatag nga post sa sacial media partikular na sa Facebook nga adunay presensya sa teroristang Abu Sayyaf sa ilahang area of responsibility.*
*Pagkumpirma niini nga nakadawat siya ug report milabay’ng gabii kabahin sa maong post kung asa personal nga mibisita si Tupi Mayor Reynaldo Tamayo sa ilahang buhatan gumikan nakahatag matud pa kini ug alarma.*
*Kahibaluan nga unang nagpost ang usa Christopher Cordero nga sumala pa adunay nahitabong pagpanghostage sa Glandang, ug Kablon sa munisipyo sa Tupi kung asa target matud pa ang mga kalalakin-an, apan gihingusgan niining wala kini kamatuuran.*
*Apan gipakalro ni Lt. Leander nga gawas sa presensya sa rebeldeng New People’s Army kon NPA, wala nay mga armadong grupo sa ilahang area of responsibility.*
*Paniguro niini nga ilahang gina-imbestigahan ang maong post gumikan dili man usba niya buot nga magpasagad sa siguridad, kung asa padayon ang awhag n iini sa katawhan hilabi na sa mga aktibo sa social media nga dili magpataka ug post hilabi na kung unverified ang mga impormasyon aron nga dili magpanic ang katawhan.*
*Padayon usab ang panawagan niini nga magpabiling makalmahon apan mabinantayon sa mga nagakahitabo sa palibot.*
