Agi’g pagsaulog sa ika 122 nga anibersaryo sa militar, mipaabot sa pasalamat si Lt. General Felimon Santos Jr., sa tanang sakop sa Philippine Army ilabina sa mga na-deploy sa Eastern Mindanao.
Gihatagan niini’g importansya ang disiplina ug didikasyon sa mga sundalo sa ilang pagpanarbaho aron mapatunhay ang kahusay ug kalinaw sa matag komunidad.
Wala usab niini gikalimtan ang nagkadaiyang stakeholders nga kanunay mihatag sa ilang suporta sa kasundalohan.
Dugang pa ni Santos, gikinahanglan nila ang tabang sa katawhan aron mapadayon nila ang ilang tahas pagbantay sa mga dunay daotang plano nga magdala’g kagubot sa pag-implementar sa executive order 70 nga nagtumong sa pagsumpo sa kagubot tali sa militar ug walhong grupo.
Facebook Comments
