Davao City – Giawhag sa armadong kusog ang mga kandidato nga i-report sa mga awtoridad kung aduna may mga sakop sa NPA nga mangayo’g bayad alang sa permit to campaign.
Sa interbyu sa DXDC RMN Davao kang 10th Infantry Division Philippine Army Commander MGEN Noel Clement, matud pa ilang gipakusgan ang pag-monitor ug gipahugtan ang pagbantay ilabina sa mga lugar nga anaay presensya sa mga NPA aron dili sila makahigayon sa pagpangilkil ngadto sa mga mudaganay.
“We’re working together with the members of the security sector at ng COMELEC to ensure na hindi nila (NPA) i-take advantage ang election para pabayarin ang mga candidates ng permit to campaign,” sumala ni Clement.
Matud ni Clement ngadto sa mga mupapili isip kapitan, SK chairman ug opisyal sa barangay nga dili magpadala sa mando sa mga kalaban sa estado sama sa pagpangayo og bayad alang sa Permit to Campaign subay kini sa taliabot nga May 14 Barangay ug SK Eleksyon.
“Remember nga nidagan sila for public office and to serve the people, now kung makipagsabwatan sila aning mga terrorists groups like the NPA they’re not going to be able to perform iyong mga mandates nila,” sumala ni Clement.
Pasidaan ni Clement mu-file usab sila’g charges batok ngadto sa mga kandidato kinsa mapamatud-ang nisuporta sa NPA.
“Ang ano ko sa mga field units ko is if ever there are candidates that are supporting the NPA terrorists organization we will campaign so that we will ensure na hindi sila mananalo because eventually if they will win ang magiging loyalty nila doon sa NPA at hindi sa ating mga taong bayan,” matud ni Clement.
Ubos usab sa Local Government Code ang mga kandidato ug opisyal sa gobyerno mamahimong mag-atubang og kasong administratibo kung nitunol kini og pinansyal nga suporta sa mga komunista.
RadyoMaN Aimee Guinita
